Ərəb ölkələri mediasında ümummilli lider Heydər Əliyevin həyatı haqqında məqalə dərc olunub

Misir, Əlcəzair, İordaniya, Suriya, Mərakeş, İraq və Livan mətbuatında müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş məqalələr yayımlanıb.

Misir-Azərbaycan Dostluq Cəmiyyəti və Misirdə Azərbaycan diasporunun sədri, tədqiqatçı-alim Seymur Nəsirovun qələmə aldığı məqalədə bildirilib ki, bu günlərdə xalqımız  Azərbaycanı  parçalanmaqdan xilas edən və onu bütün istiqamətlərdə inkişaf yoluna çıxaran dahi şəxsiyyət Heydər Əliyevin yüz illik yubileyini qeyd edir. Prezident İlham Əliyevin müvafiq Sərəncamı əsasında 2023-cü ilin “Heydər Əliyev ili” elan olunduğu nəzərə çatdırılıb.

Ulu Öndərin siyasi kursunun layiqli davamçısı Prezident İlham Əliyevin rəhbərliyi altında torpaqlarımızın Ermənistanın işğalından azad edilməsindən bəhs edən Seymur Nəsirov, regionda sülh və tərəqqi üçün Azərbaycanın Ermənistanla hərtərəfli sülh sazişi əldə etməyə çalışdığını da qeyd etmişdir.

Məqalədə xalqımızın böyük öndərinin həyat və fəaliyyəti barədə geniş məlumat verilib. “Onun həyatının fədakarlıqla dolu hər bir anı Azərbaycan xalqının milli sərvəti və iftixarıdır”, - deyə müəllif vurğulayıb.

Məqaləni aşağıdakı linklərdən oxumaq mümkündür:

//www.vetogate.com/4871875

//www.alnuhud.com/?p=131126

//rayetmisr.com/%d8%a7%d9%84%d8%af%d9%83%d8%aa%d9%88%d8%b1-%d8%b3%d9%8a%d9%85%d9%88%d8%b1-%d9%86%d8%b5%d9%8a%d8%b1%d9%88%d9%81-%d9%8a%d9%83%d8%aa%d8%a8-%d8%a7%d9%84%d8%b0%d9%83%d8%b1%d9%89-%d8%a7%d9%84%d9%85%d8%a6/

//alhanews.com/دكتور-سيمور-نصيروف-يكتب-الذكرى-المئوي/

الذكرى المئوية لميلاد حيدر علييف الزعيم القومي ومؤسس أذربيجان الحديثة //elalmelarby.com/?p=41075