Qadın gücünün poeziyası - Mişel Cassir yazır
19 İyul 2022 / 08:22
Sona Vəliyevanın Parisdə “Harmattan”
nəşriyyatında fransız dilində nəşr olunan “Çin olmasını gözlədiyimiz yuxular” (2021) şeirlər kitabı haqqında
Əllərim milyon ilin əlləri –
Mənim yaşıdım deyil,
Özümə, üzümə, bənzəmir,
Özgənindir, elə bil, özgənin.
Sona Vəliyeva bu kitab vasitəsi ilə şəxsiyyətinin bir neçə görünməyən, mübhəm tərəflərini açır. Ənənə ruhuna sadiq qalmaqla o, eyni zamanda insanın hökmranlığına və onun ədalətsizliyinə qarşı üsyana qalxır. Onun həyata baxışlarının müstəqilliyini və saflığını qətiyyətlə ifadə edən poetik səsi oxucunu anidən sevdiyi insanı itirmək qorxusu qarşısında çaşıb qala bilər.
Onun üslubu özündə hisslərin anidən yoxa çıxıb əşyaların içində gizli gözəllik nöqtələrini kəşf edən müasir insan xarakterinin açılmasını ehtiva edir və sevdiyi, öpüb göz üstünə qoyduğu şeylərin ağrısını və təkrarsızlığını əks etdirir. Onun ilahi nəsnələrə üz tutması həyatın cəbrinə dözən ruhun bütövlük və harmoniyaya qovuşmaq həsrətini göstərir. Azərbaycan dilindən fransızcaya keçidin incəliyinə rəğmən həyatı talan edilmiş qadına, təəssüflə imtina arasında param-parça olmuş sevgiliyə... ləyaqətini qaytarmağa çalışan nəfəsini və baxışını aydınca hiss edirik. Bu şeirlərdə biz çox az tanıdığımız bir ölkənin şairə qadınının incə və güclü səsini eşidirik.
Fransız dilindən tərcümə edən: Cavanşir Yusifli